Жамбыл облысында «Қоғамда радикалдық идеологияға қарсы иммунитет пен діни негіздегі экстремистік көріністерге мүлдем төзбеушілікті қалыптастыруға бағытталған профилактикалық кешенді іс-шаралар» жобасы аясында Нұр-Мүбарак университеті жанындағы «Діни экстремизмге қарсы күрес орталығының» директоры, теолог Тимур Нүсіпханұлы жүйелі дәрістер оқыды. Соның бірі тараздық имамдарға діни экстремизмнің алдын-алу жайлы жан-жақты түсіндірілген семинар жүргізілді.
«Һибатулла Тарази» мешітінде өткен шараға ҚМДБ-ның Жамбыл облысы бойынша бас имамы Бейбіт Мырзагелдиев, Тараз қаласының бас имамы Амантай Садиев, аталған мешіттің наиб имамы Бақтияр Амиреев пен қала имамдары қатысты.