Нұр-Мүбарак университетінің жаңа проректоры, PhD доктор Ершат Оңғарға осы кезге дейін өзі қызмет еткен Қазақстан мұсылмандары діни басқармасының ұжымы құрмет көрсетіп, жаңа қызметіне тілеулестік танытты.
Нұр-Мүбарак университетінің жаңа проректоры, PhD доктор Ершат Оңғарға осы кезге дейін өзі қызмет еткен Қазақстан мұсылмандары діни басқармасының ұжымы құрмет көрсетіп, жаңа қызметіне тілеулестік танытты. ҚМДБ төрағасы, Бас мүфти Наурызбай қажы Тағанұлы бастаған алқалы жиында сөз алған Бас мүфти:
«Асыл дініміздің абыройын асқақтату жауапкершілігін терең сезініп, діни салада белсенді қызмет атқарғаныңыз үшін Өзімнің және Қазақстан мұсылмандары діни басқармасының атынан Сізге айрықша алғысымды білдіремін!
Жаңа қызметіңізге сәттілік тілей отырып, діни оқу ордасының жұмысын жаңа деңгейге көтеруге бар күш-қайратыңызды жұмсайсыз деп сенемін.
Алла Тағаладан деніңізге саулық, отбасыңызға амандық, өміріңізге береке тілеймін! Ел игілігі үшін жасап жүрген істеріңізге Жаратушы Иеміз әрқашан жар болып, мерейіңізді үстем етсін! Әмин!» — деді. Бұл жайлы www.muftyat.kz хабарлады.
Сондай-ақ басшылық құрам, бөлім меңгерушілері де лебізін білдіріп, Ершат Ағыбайұлына алғыс айта келе, алдағы жұмысына сәттілік тіледі. Жиын соңында ҚМДБ Төрағасы Наурызбай қажы Тағанұлы жаңа қызметке тағайындалған Ершат Ағыбайұлының иығына қазақы дәстүр бойынша шапан жауып, құрмет көрсетті.
© Copyright 2024 All Rights Reserved
