Қазақ елінің бірегей абайтанушы ғалымы, филолог, профессор Мекемтас Мырзахметов 95 жасында өмірден озды.
  Нұр-Мүбарак ЕИМ университеті Мекемтас Мырзахметұлының отбасы, туыстарына қайғырып көңіл айтады. Саналы ғұмырын қазақ руханиятына, туған халқының дамуына арнаған ғалымның орны ерекше еді. Мейірімді Алла Мекемтас атамыздың алдынан жарылқап, жаны жәннатта болсын.
   Мекемтас Мырзахметұлы Түркістан облысы, Түлкібас ауданы, Майтөбе ауылында 1930 жылы 9 мамырда дүниеге келген. Кеңестік және қазақстандық абайтанушы ғалым, филология ғылымдарының докторы, профессор. Қазақстанның мемлекеттік сыйлығының (1996) және «Түркі әлеміне сіңірген еңбегі үшін» халықаралық сыйлығының иегері. «Абайтану» ғылыми-зерттеу орталығының директоры, Қазақстан Жазушылар одағының мүшесі.
    Мекемтас Мырзахметов 1930 жылы 9 мамырда Түркістан облысы Түлкібас ауданы Майтөбе ауылында дүниеге келген. Ол абайтану ғылымына көп үлес қосқан ғалым ретінде танылған.
     Сонымен бірге қолбасшы, жазушы Бауыржан Момышұлының өмірін де зерттеп, бауыржантану ғылыми орталығына жетекшілік еткен.
Абайтану мен мұхтартанудың ғылыми негізді қарым-қатынасын зерттеген. Абай шығармаларын жаңа қырынан талдап, ондағы айтылмай келген шығыстық мәселелер мен танылмай келген ойларды, шығыстық термин сөздерді бүгінгі күн талабы тұрғысынан жаңаша қорытып, ғылыми айналымға түсірген.

Рахымды Раббымыз ғалым Мекемтас Мырзахметұлының ізгілікке толы ғұмырын жәннаттың биік нығметтеріне бөлесін