Нұр-Мүбарак университетінің 20 жылдығына арналған студенттік конференцияда қазіргі кезеңдегі дін төңірегіндегі мәселелер жан-жақты талқыланды. Бұл негізінен еліміздегі діни ахуалға қатысты екенін конференция секцияларынан да аңғаруға болады:
Яғни «Діни білім беруде Нұр-Мүбарак университетінің үлгісі және орны», Қазақстандағы исламтанулық білім берудің мәселелері, Араб және ағылшын тіліндегі діни мәтіндерді зерттеу әдістері, Қазақстандағы ислам: тарихы мен бүгіні төңірегінде түрлі зерттеулер мен баяндамалар жасалды.
Бұл конференция дін төңірегіндегі қоғамда кездесетін түйткілдерді көтеріп қана қоймай, одан шығатын жолдарды да көрсетуі тиіс,-деген ректор, профессор Мухаммад аш-Шаххат қазіргі мұсылман әлемі тек дін ғылымдарымен шектелмей жаратылыстану, гуманитарлық, қоғамға қажетті ғылымдарды да қатар меңгеруі маңызды екеніне тоқталды.
Zoom платформасында өткен жиында «ХІХ/ХХғ.ғ қазақ даласында діни білім алудың ерекшеліктері», «Академик М.Ф. Хиджазидің баяндамаларындағы дін, тіл мәселелері/ 2001-2013», «Орамал таққан блогер қыздардың мұсылмандық этикасы», «Түркілердің исламды қабылдауындағы Талас(Атлах) шайқасының маңызы», «Деструктивті діни ағымнан жапа шеккен қыз-келіншектердің психологиялық ерекшеліктері», т.б. тақырыптар
Әділ-қазылар төрайымы «Дінтану» кафедрасының меңгерушісі, PhD, Ж.А. Жұмашова бастаған қазылар алқасы студенттердің ғылымға деген белсенділігін жоғары бағалап, екі кафедрадан қатысқан 18 баяндаманың арасындағы жеңімпаздарды саралады:
«Дінтану» кафедрасы бойынша:
- Нығмет Ботакөз I дәрежелі диплом, ғ.ж. Абдулхаким Б.
- Назымхан Шыңғысхан ІІ дәрежелі диплом, ғ.ж.Есімқұлов Е.
- Иманалиев Мұстафа және Садық Халима ІІІ дәрежелі диплом, ғ.ж. Баракбаева Т.
Ал «Исламтану» кафедрасы бойынша:
- Абдрахман Ансаган I дәрежелі диплом ғ.ж. Уйсембаев Б.
- Сексенбаева Балнұр ІІ дәрежелі диплом, ғ.ж. Абылов Т.
- Душатов Әлихан ІІІ дәрежелі диплом, ғ.ж. Илесбеков Б.
Және Әділбеков Айбек ІІІ дәрежелі диплом, ғ.ж. Шайзан Б.
Нұр-Мүбарак университетінің баспасөз қызметі